Posúe un dos curriculums máis importantes do mundo da música tradicional en Galicia. Fórmase no seo da Banda de Gaitas 'Airiños de Fene', e con tan só 22 anos conta no seu haber cos máis importantes galardóns, que o converten  no gaiteiro máis laureado da historia de Galicia. Gañador do 'Constantino Bellón' (2001, 2005 e 2006), do 'Gaiteiro de Soutelo' (2002, 2004, 2005 e 2006), do 'Trophée Macallan' (Lorient, 2003), desenvolve unha importante laboura como concertista en solitario así como de mestre gaiteiro en toda a xeografía galega e española, exercendo como profesor residente de gaita galega na prestixiosa Escola de Folklore Plaza de Castilla de Madrid entre outras. Dende 2005 forma parte do dúo de gaita e acordeón Bellón-Maceiras co que publica o disco "Unión das Terras" despois dun exitoso 2006: gañadores do certame Radio Obradoiro, do Runas do Festival de Ortigueira, e con máis de 40 concertos ás súas costas.

daniel@luvasverdes.com