O.L..A Coruña
O conxunto Luvas Verdes estará mañá presentando no
pub Dublín coruñés, ás dez da noite, as pezas que
conformarán o seu primeiro traballo discográfico.
O cuarteto comezou a súa andaina no ano 2001 coa
intención de tocar pezas do folclore galego, mais
engadindo os traballos de composición propia coa idea de
ampliar os horizontes musicais con eses temas.
Os premios acadados por esta formación deixan ben
claro o gran nivel conseguido ao longo destes anos.
Dezasete primeiros postos e só un segundo conforman un
currículo demoledor. Quedándonos só cos últimos
galardóns, Luvas Verdes foron os gañadores do concurso
de cuartetos de música tradicional desputado en
Sanxenxo, o de cuartetos e quintetos tradicionais Gaitas
do país, que tivo lugar en Sarria, o de cuartetos e
quintetos Memorial Ricardo Portela, en Pontevedra, ou o
certame para cuartetos Rosalía de Castro que tivo lugar
en Padrón. Estamos diante dun cuarteto considerado do
mellor do país. Os membros do grupo son os gaiteiros
Daniel Bellón e Pedro Lamas, o tamborileiro Pepe Montero
e o bombeiro Melo Suárez, uns músicos de prestixio que
levan xa anos de andaina.